रतनले फलाए बैगनी र पहेँलो काउली

रेडियो गौशाला , १४४६२  पटक हेरिएको

सिरहा । सिरहाका एक किसानले फरक स्वाद र फरक रँगको काउली फलाउन सफल भएका छन् ।

सिरहाको लहान नगरपालिका वडा नम्बर २४ माणिक दह झुटकी टोल बस्ने किसान रतन साहले बैगनी र पहेंलो रँगको काउली फलाएका हुन् । भारतबाट बिउ आयात गरी उनले परीक्षणको लागि केही जग्गामा लगाएको सो काउली फलाएको हो ।

सोमबार काउलीलाई सार्वजनिक गर्दै किसान साहले यसको मूल्य २५० रुपैयाँ प्रतिकिलो बेच्ने बताए । उनले तत्कालको लागि ५ धुर जग्गामा मात्र काउली उब्जाएर सफल परीक्षण गरेको बताउँदै बजार पाएमा अधिक जग्गामा उब्जाउने बताए ।

किसान साहका अनुसार, काउलीको सब्जीको स्वाद पनि फरक पाईएको बताए । उनले साधारण काउली भन्दा यो काउलीको स्वाद उत्तम रहेको बताए । रँगीन भएपछि हेर्नमा समेत आकर्षक भएको उनले बताए ।

प्रकाशित मिति: २०२४-०२-०५ , समय : २१:१७:३७ , ५ महिना अगाडि