भण्डारीकाे चुनावी घरदैलो कार्यक्रम तीव्र

रेडियो गौशाला , १२६१  पटक हेरिएको

महोत्तरी – महाेत्तरीकाे निर्वाचन क्षेत्र नम्वर २ का प्रतिनिधिसभा सदस्य शरद सिंह भण्डारीले चुनावी घरदैलो कार्यक्रमलाई तीव्र बनाएका छन् ।

उनले बिहीवार निर्वाचन क्षेत्र नम्वर २ को डाम्ही मडैमा घरदैलो कार्यक्रम सम्पन्न गरेका छन् ।

घरदैलोको क्रममा उनले आगामी निर्वाचनमा गरेको बाचा पुरा गरे तर, मधेशीहरुको मुल समस्या समाधान गराउन नसकेको प्रति दुःख व्यक्त गरेका थिए । उनले नागरिकता विधेयक प्रमाणीकरण हुन नसकेको प्रति दुःख व्यक्त गर्दै नेकपा एमालेको बाधाअडचनका कारण नागरिकता विधेयक प्रमाणीकरण हुन नसकेको आरोप लगाए ।

भण्डारीले आपूmले विगत देखी मधेश मुद्दामा स्पष्ट रहेको बताउँदै आगामी दिनमा मधेशका मुद्दाहरुलाई स्थापित गराउनकालागि प्रतिवद्ध रहेको बताएका थिए । जनताको धेरै आशा र अपेक्षा सवै पुरा गर्न नसकिएपनि गत निर्वाचनमा गरेको बाचाहरु मध्ये नागरिकता विधेयक प्रमाणीकरण मात्रै रोकिएको बताएका थिए ।

मधेश प्रति वक्रदृष्टि राखेकाहरुले मधेशलाई आफ्नो रैथाने बुझ्नेहरुको मानसिकता अहिले पनि परिवर्तन नभएको भन्दै उनले आगामी दिनमा मधेशका मुद्दाहरु स्थापित हुँदै जाने र नागरिकता विधेयक पारित भएपछि आपूmहरुको जित हुने उनले बताए । यहाँबाट विजयी भएर गएपनि नागरिकता विधेयक प्रमाणीकरण नहुनु आपूmहरुको हार रहेको उनले स्वीकारे ।

नागरिकता विधेयक प्रमाणीकरण गराएपछि मात्रै लोकतान्त्रिक समाजवादी पार्टीको सही जित हुने उनले दावी गरे । मधेश प्रदेशवाट नेकपा एमाले जस्तो संघीयता विरोधी र मधेश विरोधी पार्टीलाई जिताएर मधेशका जनता आफ्नै खुट्टामा आफै बञ्चरो प्रहार गर्ने गरेको उनले बताए ।

प्रकाशित मिति: २०२२-११-०४ , समय : ११:३३:१३ , २ वर्ष अगाडि